20 İyl - 20 Avq 23
KİNOREJİSSORLAR ÜÇÜN ELAN
YARAT Müasir İncəsənət Məkanı, bu il keçiriləcək YARAT Qısa Filmlər Festivalı (YARAT Shorts) çərçivəsində öz qısametrajlı bədii ekran əsərlərini nümayiş etdirmək istəyən, yenicə fəaliyyətə başlamış və ya karyeralarının inkişaf mərhələsində olan Azərbaycan kinorejissorları üçün filmlərin qəbulunu açıq elan edir.
LAYİHƏNİN MƏQSƏDİ
Bizim əsas məqsədimiz, Azərbaycan, Gürcüstan və Böyük Britaniyadan olan, gənc istedadlar üçün platforma yaratmaq, yerli kinorejissorların filmlərinin geniş auditoriya arasında tanınmasını təmin etməkdir. Biz, bugünkü reallığımızın müasir kinematoqrafiyanı necə inkişaf etdirdiyini, eyni zamanda, kinematoqrafiyanın bizi necə formalaşdırdığını araşdıracağıq. Biz öz missiyamızı bütün YARAT məkanlarında keçiriləcək açıq havada və ya qapalı meydançalarda film nümayişləri, habelə beynəlxalq səviyyədə tanınmış rejissorlar, ssenaristlər və aktyorların iştirakı ilə baş tutacaq seminarlar, mühazirələr və müzakirələr daxil olmaqla, zəngin və rəngarəng maarifləndirici tədbirlər proqramı vasitəsilə həyata keçirəcəyik.
Bizim başlıca amalımız həm də gənc rejissorların debüt əsərlərini nümayiş etdirmək, intensiv təlimlər keçirməklə onlara motivasiya verməkdir.
KATEQORİYALAR
Bu il nümayiş olunacaq filmlər aşağıdakı mövzulara toxunmalı, yaxud müəyyən dərəcədə bu mövzuları əhatə etməlidir:
Filmləri təqdim etmək üçün son tarix: 20 avqust, 2023
Əgər siz də festivalda iştirak etmək istəyirsinizsə, zəhmət olmasa, filminizin linkini e-poçtla info@yarat.az ünvanına göndərin.
Seçilmiş filmlər sentyabr ayında nümayiş olunacaq.
TƏRƏFDAŞLAR:
Gürcüstan filmləri Tbilisi Beynəlxalq Film Festivalının təşkilatçısı Nino Ancaparidze (“Prometey” Kinosənət Mərkəzi) tərəfindən təqdim ediləcək.
Britaniya kinematoqrafiyasının nümunələri, British Council ilə birgə tərəfdaşlıq çərçivəsində, BAFTA Film Awards-ın qalibləri tərəfindən təmsil ediləcək.
SEÇİM ÜÇÜN ƏSAS MEYARLAR
Festivalda iştirak hüququ qazanmaq üçün filminiz ilkin seçim tələblərinə də cavab verməlidir: