ARTIM LAYİHƏ MƏKANI: ÖZ ƏSƏRİNİ TANIT İNCƏSƏNƏT SƏRGİ MÜSABİQƏSİ

18 May - 25 May 17

YARAT Müasir İncəsənət Məkanı sizi ARTIM Layihə Məkanında keçiriləcək “Öz əsərini tanıt” adlı incəsənət sərgi müsabiqəsinə dəvət edir.

Müsabiqəyə professional və həvəskar rəssamlar və yaxud incəsənət sahəsində təhsil alan tələbələr özləri tərəfindən yaradılmış hər hansı bir (1) əsəri təqdim etməklə (rəsm, heykəl, foto, video, instalyasiya, performans və s.) qatıla bilərlər. Qalib sərgiyə gələn seyrçilər tərəfindən səs vermə yolu ilə müəyyən olunacaq. Qalib YARAT tərəfindən 2017-ci ildə ARTIM Layihə Məkanında fərdi sərgisinin təşkil olunması ilə mükafatlandırılacaq.

Xahiş olunur may ayının 16-na qədər öz tam adınızı, nümayiş edəcəyiniz əsərin adı və texnikası haqqında məlumatı artim@yarat.az ünvanına göndərəsiniz.

Əsərlərin daşınması və quraşdırılması müsabiqə iştirakçıları tərəfindən həyata keçiriləcək.

Sərginin tarixi: 18 May, 2017

Saat: 19:00 – 21 :00

Ünvan: Artım Layihə Məkanı, İçərişəhər, Böyük Qala küçəsi, 30, 001A

Giriş sərbəstdir