ASAN XİDMƏT VƏ YARAT İNCƏSƏNƏT ÜZRƏ MÜHAZİRƏLƏR SİLSİLƏSİ TƏQDİM EDİR

26 Sen - 05 Dek 14

YARAT Müasir İncəsənət Məkanı, “ASAN xidmət” mərkəzinin tərəfdaşlığı ilə Azərbaycan və dünya incəsənətinə həsr olunan mühazirələr təşkil edir. Layihənin əsas məqsədi tanınmış mütəxəssislər tərəfindən incəsənət sahəsi ilə bağlı ümumi mühazirələrin keçirilməsidir.

Azərbaycan və dünya mədəniyyəti və incəsənəti haqqında keçirilən mühazirələr Beynəlxalq Muğam Mərkəzində “ASAN xidmət” mərkəzinin əməkdaşları, könüllüləri və vətəndaşlarımız üçün nəzərdə tutulmuşdu. Öz sahəsində tanınmış mütəxəssislər tərəfindən auditoriyanı maraqlandıran mədəniyyət və incəsənət sahəsi ilə bağlı mühazirələr proqramı tərtib olunmuşdur.

Silsilə mühazirələr iştirakçıların milli və dünya incəsənəti ilə bağlı biliklərinin artırılmasına yönəlib. Layihə başlanan müddətindən bu günə kimi 7 mühazirə təşkil olunub və ümumilikdə 1000-dən artıq dinləyici iştirak edib.

Mühazirələr aşağıdakı proqram üzrə nəzərdə tutulmuşdu:

Əsmər Abdullayeva	Sənətşünaslıq elminə giriş	26 sentyabr
Cəmilə Həsənzadə	Azərbaycan miniatür incəsənəti	10 oktyabr
	İmpressionizm, postimpressionizm, kubizm	24 oktyabr
	Rus avanqardı (suprematizm)	5 dekabr
Xanım Əskərova	Azərbaycan Sovet incəsənəti 90-cı illərədək	October 31
	Azerbaijan Contemporary Art from 1990s until now	21 noyabr
Ziyadxan Əliyev	Səttar Bəhlulzadə	17 oktyabr
	Azərbaycan incəsənəti XX əsrin 50-80-ci illəri (nonkonformistlər)	7 noyabr
Rayihə Əmənzadə	Azərbaycan memarlıq məktəbləri	15 noyabr
Kübra Əliyeva	Azərbaycan incəsənəti orta əsrlərdə	28 noyabr

Beynəlxalq Muğam Mərkəzi

Ünvan: Neftçilər prospekti, 9

Giriş sərbəstdir!

Əsmər Abdullayeva, sənətşünas elmləri üzrə fəlsəfə doktoru.

Azərbaycan Dövlət Rəssamlıq Akademiyasında 14 illik akademik təcrübəyə sahibdir. Eyni zamanda “İçərişəhər” Dövlət Tarix-Memarlıq Qoruğu və “Şirvanşahlar sarayı” muzeyin ekspert komissiyasının üzvüdür. Bir çox yerli və beynəlxalq konfranslarda ekspert-mühazirəçi qismində iştirak edib. “Potent ion” dekorativ incəsənət və sənətkarlıq festivalının müəllifi və kuratoru olub.

Cəmilə Həsənzadə, professor.

Bakı, Paris, Moskva, Təbriz, Sankt-Peterburq, Daşkənd, Düşənbə, Tiflis, Palanga və beynəlxalq konfrans və simpoziumlarda mühazirəçisi və iştirakçısı olmuşdu. Luvr, Fransa Milli Kitabxanası, Gime Muzeyi, Paris Dekorativ sənətlər Muzeyi, Afinadakı Yunanıstan Milli Kitabxanası, Benaki Muzeyi və bir çox fondlarda tədqiqatlarla məşğul olub. Həmçinin İstanbulun Topkapı Muzeyi və Türk və İslam sənəti Muzeyində, Sankt-Peterburqun Dövlət Kütləvi Kitabxanasında, Ermitajda, REA-nın Şərqşünaslıq İnstitutunda çoxsaylı elmi tədqiqatlarının araşdırmaçısıdır. 150-dən artıq elmi əsər, həmçinin 8 monoqrafiya, 2 albom və 2 dərslik müəllifidir.

Ziyadxan Əliyev, sənətşünaslıq üzrə fəlsəfə doktoru.

Azərbaycan Respublikasının Əməkdar incəsənət xadimi (2006), Azərbaycan Dövlət Rəssamlıq Akademiyasının dosentidir. Azərbaycan Rəssamlar İttifaqında “Tənqid və sənətşünaslıq” bölməsinin sədridir. Yerli və xarici ölkələrində çap olunmuş “Sənətin Məcnunu”, “Naməlum Səttar”, “Günahlı dünyanın günahsız adamı və yaxud Səttar Bəhlulzadə romantizmi”, “Eldar Mikayılzadə”, “Azərbaycan eklibrisi”, “Mənbələr”, “Görüş Nurəddinoğlu”, “Cəmil Müfidzadə”, “Altay Hacıyev”, “Cizgilərə hopan ömür”, “Sabir təsviri sənətdə”, “Azərbaycan incəsənəti” ensiklopediyası (III cildlik), “Fəxrəddin Seyfəddinoğlu” və s. məqalə və kitabların müəllifidir.

Rayihə Əmənzadə, professor.

Memarlıq doktoru, Azərbaycan Memarlıq İttifaqının üzvü. 120-dən artıq elmi məqalənin, 3 kitabın müəllifi və 1 kitabın həmmüəllifidir.

FACEBOOK EVENT