YARAT FİLM KLUBU Asif Rüstəmovun AXINLA AŞAĞI: FİLMİNİN NÜMAYİŞİ

29 Sen 15

YARAT Müasir İncəsənət Məkanı 29 avqust 2015-ci il tarixində Asif Rüstəmovun ssenarisi və rejissorluq etdiyi "Axınla aşağı" filminin nümayişinə dəvət edir.

Filmin nümayişi YARAT Film Klubunun çərçivəsində təşkil edilir və sual-cavab sessiyası ilə davam edəcək.

Axınla Aşağı / 2014 / Azərbaycan / 90 dəq. / Drama / Rəngli

Hər dəfə çay aşağı batmış adam cəsədi tapılanda, ƏLİ maşına minib oğlunu tanımağa gedir.

Əli – əyalət şəhərində, ailə krizisi yaşayan sadə bir avarçəkmə müəllimidi. O arvadını və oğlunu tərk edib, onunla bir məktəbdə çalışan polşalı gənc məşqçıylə ölkəni tərk etmək istəyir. Sevgilisinin təkidi qarşısında aciz qalan ƏLİ onunla razılaşmaq ərəfəsindədir. Amma faciə baş verir.

Əlinin oglu Ruslan çayda batır. Əli atalıq borcunu yerinə yetirmək üçün oğlunun cəsədini tapib dəfn eləməlidi. Bununla da o həyat yoldaşıyla aralarında olan son bağı qırıb, yeni həyata başlaja bilər. Hər dəfə çay aşağı batmış adam cəsədi tapılanda, ƏLİ maşına minib cəsədə baxmağa gedir.

Film Azərbaycan dilində nümayiş olunacaq

16 +

Tarix: 29 sentyabr, 2015

Saat: 19.00

Məkan: YARAT Müasir İncəsənət Mərkəzi, Çoxtəyinatlı zal

Əlaqə telefonu: +99412 505 1414

Giriş sərbəstdir

FACEBOOK