ARTIM FİLM KLUB: VALERİYA QAY QERMANİKA HAMI ÖLƏCƏK, AMMA MƏN QALACAĞAM

21 Avq 19

YARAT Müasir İncəsənət Məkanı ARTIM Layihə Məkanında “Unut bildiklərini, gör mən kiməm” sərgisi çərçivəsində baş tutacaq növbəti film nümayişinə dəvət edirik. Bu dəfə rusiyalı rejissor Valeriya Qay Qermanikanın “Hamı öləcək, amma mən qalacağam” filmini izləyib müzakirə edəcəyik.

“Hamı öləcək, amma mən qalacağam” filmi – Rusiyanın ucqarında, doqquzuncu sinifdə oxuyan üç rəfiqədən və onların böyüklər dünyasına ilk addımları haqqındadır. Filmin premyerası 2008-ci il Kann Film Festivalının “Tənqid həftəsi” debüt film proqramı çərçivəsində baş tutub və münsiflər heyəti tərəfindən “Qızıl kamera” xüsusi mükafata layiq görülüb.

Tədbirin qonağı “Sevin” Ailə və Valideynlərə Dəstək Mərkəzinin yaradıcısı, reproduktiv sağlamlıq və ailə psixologiyası üzrə mütəxəssis Səbinə Abdullayevadır.

Ailə birliyi necə həyat sürür, valideynlər və valideynlərlə uşaqların arasında münasibətlər necə inkişaf edir?

Cəmiyyətdəki proseslər ana və qız, ata və oğul arasındakı münasibətlərə necə təsir edir?

Uşağı və yeniyetməni necə “nəzərdən qaçırmaq” olar?

Yenidən onunla əlaqə qurmağın ən yaxşı üsullar hansıdır?

Filmin nümayişindən sonra Səbinə Abdullayeva bu və digər sualları sizinlə müzakirə edəcəkdir.

Filmin müddəti: 1 saat 20 dəqiqə

Dil: Rus

Yaş məhdudiyyəti: 18+

Tarix: 21 avqust, 2019

Saat: 20:00

Ünvan: ARTIM Layihə Məkanı (İçərişəhər, Kiçik Qala, 5)

Giriş sərbəstdir