DEAF MEN DANCING
12 Mar - 15 Mar 18
YARAT Müasir İncəsənət Məkanı British Council Azərbaycan ilə birgə Freestyle layihəsi çərçivəsində tədbirlər təqdim edir.
Birləşmiş Krallığın eşitmə qabiliyyəti məhdud olan peşəkar rəqqaslardan ibarət unikal və məşhur rəqs ansamblı “British Council”ın təşkilatçılığı ilə Azərbaycana gəlir. British Council Azərbaycan Böyük Britaniyanın Azərbaycandakı Səfirliyi, YARAT Müasir İncəsənət Məkanı və Nizami Kino Mərkəzi ilə əməkdaşlıq və tərəfdaşlıq şəraitində “Deaf Men Dancing” rəqs ansamblı tərəfindən səhnələşdirilmiş “Ten” rəqs tamaşasını qürurla təqdim edir.
“British Council” ın “Unlimited” proqramının tərkib hissəsi kimi həyata keçirilən bu layihə fiziki imkanları məhdud olan və olmayan insanların birlikdə çalışıb çətinliklərə sinə gərməsi və inanılmaz cazibəyə malik incəsənət əsərləri yaratmasının bariz nümunəsidir.
“Ten” adlı rəqs tamaşası YARAT Müasir İncəsənət Mərkəzində 12 mart tarixində saat 19:00-da, Nizami Kino Mərkəzində isə 13 mart tarixində saat 19:00-da nümayiş olunacaq.
Xoreoqraf və rejissor kimi fəaliyyət göstərən Mark Smitin bədii rəhbəri olduğu “Deaf Men Dancing” rəqs ansamblı Mark kimi eşitmə qabiliyyəti məhdud olan peşəkar rəqqasları bir araya toplayır. Birlikdə onlar unikal, maraqlı və orijinal estetika nümunəsi ərsəyə gətirməklə yanaşı, xoreoqrafiya elementləri və işarə dili ilə zənginləşdirilmiş müxtəlif rəqs üslublarının birləşməsini yaradır.
Ansamblın bədii rəhbəri/xoreoqrafı olan Mark Smit dizayner Rayn Douson Leyt və bəstəkar Şon Çandler ilə əməkdaşlıq şəraitində onların “Ten” adlı yeni rəqs tamaşasını qürurla təqdim edir. Bu rəqs nömrəsi Lorel və Hardi, Flanaqan və Allen, Morkamb və Uays, Ebbott və Kostello, Qilbert və Corc kimi duetlərdən ilhamlanaraq hazırlanıb.
Tamaşada “Human Foundation” təşkilatının “Human Deaf Community” (eşitmə qabiliyyəti olmayan insanlar) icmasının nümayəndələri və eşitmə məhdudiyyətli insanlar da iştirak edəcək.
PROQRAM:
“Bir Günəş Altında” tamaşasının premyerası
Tarix: 9 mart, 2018
Saat: 19.00
Ünvan: Gənc Tamaşaçılar Teatrı
Giriş sərbəstdir
“Deaf Men Dancing” rəqs ansamblı, “Ten” tamaşası
Tarix: 12 mart, 2018
Saat: 19.00
Ünvan: YARAT Müasir İncəsənət Məkanı
“Bir Günəş Altında”
Tarix: 13 mart, 2018
Saat: 19.00
Ünvan: Nizami Kino Mərkəzi
Giriş sərbəstdir
“Deaf Men Dancing” rəqs ansamblı, “Ten” tamaşası
Tarix: 13 mart, 2018
Saat: 20.00
Ünvan: Nizami Kino Mərkəzi
Giriş sərbəstdir
“Bir Günəş Altında” tamaşası
Tarix: 15 mart, 2018
Saat: 19.00
Ünvan: YARAT Müasir İncəsənət Məkanı
Giriş sərbəstdir
QEYDİYYAT ANKETİ
