05 Fev - 26 Fev 23
YARAT Müasir İncəsənət Məkanı sizi məktəb yaşlı uşaqlardan yeniyetmələrə qədər kiçik auditoriya üçün nəzərdə tutulmuş LITTLE YARAT proqramında iştirak etməyə dəvət edir.
LITTLE YARAT uşaqlar üçün YARAT-ın seminarlarında iştirak etməyə, yerli və qonaq rəssamlarla ünsiyyət qurmağa imkan verən əyləncəli incəsənət platformasıdır.
YARAT Mərkəzinin “Little YARAT” ustad dərslərinin fevral proqramı ilə qarşınızdayıq!
5 və 19 fevral
Tyutor: Gülnarə Ələkbərli
Mövzu: Özünü tamamla
Ustad dərsində iştirakçılar kağız üzərinə öz fotolarını yerləşdirəcəklər, daha sonra isə üzlərinin bir yarısını örtərək, flomaster, boya və qələmlər ilə rəsmi tamamlamağa çalışacaqlar. Beləcə iştirakçılar üzlərini daha yaxından təhlil etməyə və tanımağa imkan tapacaqlar.
12 və 26 fevral
Tyutor: Yekaterina Pominova
Mövzu: Ulduzların parıltısı
Ustad dərsinin iştirakçıları akril boyalar ilə kağız üzərində kosmik mənzərə yaradacaq, sonra isə kompozisiyanı qızıl zərvərəqlər ilə tamamlayacaqlar. Beləliklə, onlar əsərlərində ulduzların sayrışmasını imitasiya edəcəklər.
12:00 (4-7 yaş)
14:00 (8-12 yaş)
Məkan: YARAT Mərkəzi
Yerlərin sayı məhduddur.
Qeydiyyat üçün: 050 246 92 92 (çərşənbə axşamı-cümə, 11:00 - 18:00)
XX-XXI əsrlər Azərbaycan Rəngkarlığı Muzeyinin “Little YARAT” ustad dərslərinin fevral proqramı ilə qarşınızdayıq!
4 və 18 fevral
Tyutor: Alina Yusupova-Sabbağ
Mövzu: Həndəsə ritmi
Ustad dərsinin iştirakçıları karton üzərində rəngli keçə parçalar və yun saplardan istifadə edərək, fərqli həndəsi formalardan kompozisiya yaradacaqlar və həndəsi fiqurların ideya ötürmək qabiliyyətinin şahidi olacaqlar.
11 və 25 fevral
Tyutor: Erkin Ələkbərli
Mövzu: Fraqmentlər
Ustad dərsində iştirakçılar akril boyalar ilə abstrakt fon çəkəcəklər, daha sonra isə üzərində rəngli kartonlardan kollaj hazırlayacaqlar. Beləliklə, onlar polixrom kollaj texnikası ilə tanış olacaqlar.
12:00 (8-12 yaş)
Məkan: XX-XXI əsrlər Azərbaycan Rəngkarlığı Muzeyi
Yerlərin sayı məhduddur.
Qeydiyyat üçün: 050 251 41 15 (çərşənbə axşamı-cümə, 11:00 - 18:00)