ÖZÜNÜ KƏŞF ET: İYUL ÜÇÜN PROQRAM

YARAT Müasir İncəsənət Məkanı təcrübəsindən asılı olmayaraq, 16 yaşdan böyük yaradıcılıq sevənlər üçün “Özünü kəşf et” ustad dərslərində iştirak etməyə dəvət edir. 

Ustadlarımız öz təcrübələrini sizinlə paylaşaraq, “rənglər vasitəsi ilə özünüzü necə ifadə etmək olar?” sualına cavab tapmağa kömək edəcəklər.

*Bütün ləvazimatlar XX-XXI əsrlər Azərbaycan Rəngkarlığı muzeyi tərəfindən qarşılanacaq. Təcrübəsindən asılı olmayaraq hər kəs dərslərdə iştirak edə bilər

XX-XXI əsrlər Azərbaycan Rəngkarlığı Muzeyində keçiriləcək böyüklər üçün “Özünü kəşf et” ustad dərslərinin iyul proqramı ilə tanış olun:

6 və 13 iyul 
19:00 (16+) – Lətafət Məmmədova ilə Kətan üzərində boyalar ustad dərsi
Ustad dərsinin iştirakçılarına nümunə üçün müxtəlif əsərlərin təsvirləri təqdim ediləcək və ya onlar öz istədikləri əsərləri (internet vasitəsi ilə baxaraq) kətan üzərində yağlı boyalar ilə yaradacaqlar. Qeyd edək ki, ustad dərsi iki hissədən ibarətdir.

20 iyul
19:00 (16+) – Vüsalə Ağarazıyeva ilə Ucaldan yol ustad dərsi
Ustad dərsində iştirakçılar cari sərgidəki hər hansı əsərlərin bir fraqmentini özləri üçün seçərək kətan üzərində təsvir edəcəklər. Bununla belə hər iştirakçı əsərə bəzi fərqli xüsusiyyətlər gətirəcək. Ustad dərsi başa çatdıqdan sonra alınan bütün fraqmentlər ümumi əsər kimi birləşdiriləcək.

27 iyul
19:00 (16+) – Gülarə İsrafilova ilə Ailə portreti ustad dərsi
Ustad dərsində iştirakçılar akvarel kağızı üzərində akril boya ilə öz ailə portretini təsvir edəcəklər.

Məkan: XX-XXI əsrlər Azərbaycan Rəngkarlığı Muzeyində, II mərtəbə

İştirak etmək üçün qeydiyyat mütləqdir.

Yerlər məhduddur.

Qeydiyyat üçün: 050 251 41 15 (qeydiyyat çərşənbə axşamından cümə gününə kimi, saat 12:00-dən 18:00-dək aparılır)