MÜHAZİRƏ: NİGAR KÖÇƏRLİ – AZƏRBAYCAN ƏDƏBİYYATINDA QADIN OBRAZI

24 May 23

YARAT Müasir İncəsənət Məkanı, XX-XXI əsrlər Azərbaycan Rəngkarlığı Muzeyində nümayiş olunan cari “Çəhrayı-Qara” qrup sərgisi çərçivəsində Azərbaycanda mütaliə mədəniyyətinin formalaşmasına töhfə vermiş, “Ali və Nino” kitab mağazalar şəbəkəsinin təsisçisi Nigar Köçərlinin “Azərbaycan ədəbiyyatında qadın obrazı” adlı mühazirəsini təqdim edir.

“Sevil” və “Almaz” inqilabi qadın obrazları Azərbaycan bədii ədəbiyyatının nadir nümunələrindəndir. Buna baxmayaraq, ədəbiyyatımızın müxtəlif dönəmlərində “fədakar və dözümlü” qadın obrazlarına daha çox rast gəlinir. Artıq 20 ildən çoxdur ki, Nigar Köçərli aktiv mütaliə ilə məşğul olur. Tədbir zamanı o, ədəbiyyatımızda qadın obrazlarının yaranmasında çıxış edən sosial, mənəvi, həmçinin yerli və qlobal faktorlar haqqında danışacaq.

Tarix: 24 may, 2023

Saat: 19:00

Məkan: Rəngkarlıq Muzeyi

Qeydiyyat: Yoxdur

Yaş məhdudiyyəti: 16+

Dil: Azərbaycan dili