MÜHAZİRƏ: SEYMUR AĞAYEV RUHUN SƏYAHƏTİ

08 Fev 24

YARAT Müasir İncəsənət Məkanı keçiriləcək filoloq-linqvist və tarixçi Seymur Ağayevin “Ruhun səyahəti” adlı mühazirəsinə dəvət edirik. Tədbirdə cari “Ekinoks” qrup sərgisində nümayiş olunan müasir gürcü rəssamlarının əsərlərinin ideya və fəlsəfi mənalarından bəhs edəcəyik.

Biz, həmçinin əsərlərin yaradılmasında dayanan ümumi fikirləri müzakirə edəcəyik, bu əsərlərin filosoflar M. Mamardaşvili, M. Prust, E. Kant və G. Hegelin yaradıcılıqlarına necə bağlı olduğunu araşdıracayıq.

Seymur Ağayev Moskva Dövlət Universitetinin məzunudur, uzun illərdir ki, tarix, ədəbiyyat, fəlsəfə sahələri üzrə tədqiqatlar aparır və bu fənləri tədris edir. O, həmçinin humanitar elm biliklərinin artırılmasına yönəlmiş “Art & Creativity Club”, “Cult Baku”, o cümlədən müəllif olduğu “Fəlsəfə: düşüncə sənəti” və “Dünya tarixi: qeyri-ənənəvi baxış” kimi bir sıra təhsil layihələrin iştirakçısıdır.

Mühazirə Azərbaycan dilində keçiriləcək.

8 fevral / 19:00

YARAT Mərkəzi

Giriş sərbəstdir