FİLM KLUBU: VAQİF MUSTAFAYEV İLƏ GÖRÜŞ VƏ “FRANSIZ” FİLMİNİN NÜMAYİŞİ

14 Okt 22

YARAT Müasir İncəsənət Məkanı sizi rejissor,ssenarist, Azərbaycanın Xalq artisti, Azərbaycan Dövlət mükafatı laureatı və "Şərəf" və “Şöhrət” ordeni kavaleri Vaqif Mustafayevlə görüşə dəvət edir. Tədbir zamanı qonağın 1995-ci ildə çəkdiyi “Fransız” filmi nümayiş olunacaq.

“Fransız” faciəvi komediyası - Azərbaycan dramaturqu, Qazaxıstan və Qırğızıstan Respublikalarının Dövlət Mükafatları Laureatı Əmir Pəhləvanın "Əhlikef" povestinin motivləri əsasında lentə alınmışdır. Ekran əsəri Avropadan qayıdandan sonra öz milli adət-ənənələrimizə yuxarıdan aşağıya baxan həmvətənlərimiz haqqındadır .

Filmdə Yaşar Nuri, Fərman Şəkili, Zərnigar Ağakişiyeva və Nuriyyə Əhmədova kimi tanınmış aktyorlar çəkilmişdir. Onlarla yanaşı filmdə fransız dili tərcüməçisi rolunu rəssam Ucal Haqverdiyev canlandırmışdır.

Filmin müddəti: 51 dəq.

Yaş həddi: 16+

Tarix: 14 oktyabr, 2022

Saat: 19:00

Məkan: XX-XXI əsrlər Azərbaycan Rəngkarlığı Muzeyi (2-ci mərtəbə)

Giriş onlayn qeydiyyatladır.

COVID pasportun təqdimi mütləqdir.

Əlavə məlumat üçün: +99450 251 41 15